Ungmennaráð Fljótsdalshéraðs

Fyrir liggur tölvupóstur dagsettur 26. október 2016, frá Helgu Kristínu Haraldsdóttur um stofnun Ungmennaráðs Íslands. Helga Kristín tók þátt í fundinum undir þessum lið í gegnum Skype og gerði grein fyrir hugmyndinni.

Ungmennaráð leggur til að fulltrúar þess taki þátt í fyrirhuguðum fundi um stofnun Ungmennaráðs Íslands í janúar á næsta ári.

Samþykkt samhljóða með handauppréttingu.

Rebekka Karlsdóttir og Guðbjörg Agnarsdóttir gerðu grein fyrir störfum afþreyingarnefndar unglingalandsmóts 2017.

Ræddar voru hugmyndir að viðburðum og skemmtikröftum á mótinu. Tillögur komu um skemmtifrafta:
Páll Óskar, Aron Can, GKR, MC Gauti, Sturla Atlas, Úlfur Úlfur, Glowie, Hildur, Jón Jónsson, Friðrik Dór, Salka Sól, Amabadama, Ævar vísindamaður.

Viðburðir og smiðjur:
Smiðja á vegum Leikfélagsins Gríms, hlussubolti, Laser tag, Brettaæfingar, vinabandagerð, hoppukastalar.

Lagt er til að þessum tillögum verði vísað til afþreyingarnefndar unglingalandsmótsins.

Samþykkt samhljóða með handauppréttingu.

Fyrir liggja gildandi samþykktir fyrir ungmennaráð Fljótsdalshéraðs frá 2005.

Málinu frestað til næsta fundar.

Á fundinn undir þessum lið mætti Árni Pálsson fromstöðumaður Nýungar og gerði m.a. grein fyrir Hip hop rap tónlistarhátíðinni Road to relax í Sláturhúsinu 24. nóvember. Árni óskaði eftir aðstoð fulltrúa ungmennaráðsins við undirbúning hátíðarinnar og var vel tekið í það af fulltrúum ráðsins.

Umræða var um að sveitarfélagið stefni að því að verða polastpokalaust sveitarfélag.
Ungmennaráð hvetur íbúa sveitarfélagsins til að takmarka plastpokanotkun sína eins og hægt er og hvetur jafnframt sveitarfélagið til að vinna að því með íbúum og fyrirtækjum að takmarka notkun plastpoka.

Samþykkt samhljóða með handauppréttingu.