Ungmennaráð Fljótsdalshéraðs

Björn Ingimarsson, bæjarstjóri, mætti á fundinn og bauð ráðið velkomið til starfa, fór stuttlega yfir mikilvægi þess og hlutverk.
Adda Steina, starfsmaður ráðsins, og Aron Steinn, fóru yfir með ráðinu hvað var gert síðast liðin vetur og þá hluti sem fráfarandi ráð skildi eftir sig, fyrir nýtt ráð að taka við og/eða breyta, þar á meðal forvarnardaginn.

Aron Steinn Halldórsson, fulltrúi ungmennahússins, var samhljóða með handauppréttingu kosinn formaður ráðsins í vetur. Aron Steinn var einnig formaður ráðsins síðast liðinn vetur.

Sara Lind Magnúsdóttir, annar fulltrúi Egilsstaðaskóla, svar samhljóða með handauppréttingu kosin varaformaður ráðsins.

Ráðið skipti sér niður í tvo vinnuhópa, eldri og yngri fulltrúa og fóru fyrst saman en fljótlega í sitt hvoru lagi yfir málefni og viðburði sem þau hafa áhuga á að vinna að og hafa áhrif á í vetur.

Geðheilbrigðismál er sá málaflokkur sem báðir hóparnir lögðu áherslu á að hafa áhrif á. Meðal annars með fræðslu á forvarnardeginum, sem haldinn verður af ráðinu á næstu önn. Hóparnir telja það áhrifaríkast að undibúningur á forvarnardeginum og ungmennaþingi verði unninn í tveimur aldursskiptum hópum, hóparnir vinna að sömu markmiðum en með ólíkum áherslum. Undirbúningurinn hefst formlega á næsta fundi ráðsins.
Ungmennaráð leggur einnig til að þeirra fundur með bæjarstjórn verði fyrr en hefur verið árin áður. Í janúar frekar en maí. Vonanst er eftir góðu samstarfi með öðrum ráðum og nefndum hjá sveitafélaginu.

Samþykkt samhljóða.