Skólanefnd Hallormsstaðaskóla

Úlfar Trausti Þórðarson, framkvæmda- og þjónustufulltrúi, kynnti tillögu að framkvæmdaáætlun á árinu 2013. Fram kom að lögð er áhersla að ráðast í aðgerðir við nauðsynlega drenun auk þekktra öryggisþátta. Skólanefnd fellst á þá forgangsröðun. Starfsfólk fagnar þeirri framkvæmd sem ráðist hefur verið í við endurbætur á tölvulögnum innanhúss.

Kynnt og rædd staða í starfsmannamálum. M.a. kom fram að Hrefna Egilsdóttir, staðgengill skólastjóra, mun gegna starfi skólastjóra í veikindum skólastjóra til vors.

Michelle Mielnik kynnti erindið sem er sent frá aðalfundi foreldrafélagsins til skólastjórnenda. Foreldrar leggja áherslu á eflingu útikennslu og tónmenntakennslu. Jafnframt leggja foreldrar áherslu á aukið upplýsingaflæði frá umsjónarkennurum til foreldra. Skólanefnd hvetur til að skólastjóri og starfsfólk fari vel yfir óskir foreldra við skipulag skólastarfs næsta árs.

Þorvarður Ingimarsson vék af fundi við afgreiðslu málsins.
Málið kynnt. Beðið er afgreiðslu heimasveitarfélags til að ljúka málinu.

Hrefna Egilsdóttir kynnti skóladagatal 2013-2014 sem hefur hlotið kynningu á kennarafundi. Skólanefnd samþykkir fyrir sitt leyti framlagt skóladagatal með fyrirvara um samþykki skólaráðs.

Forsendur fjárhagsáætlunar kynntar. Skólanefnd samþykkir fyrir sitt leyti framlögð drög.