Hlutafjáraukning í Gróðrastöðinni Barra ehf.

Málsnúmer 201410116

Vakta málsnúmer

Atvinnu- og menningarnefnd - 7. fundur - 30.10.2014

Fyrir liggur bréf frá Gróðrastöðinni Barra ehf, dagsett 24. október 2014, undirritað af Skúla Björnssyni f.h. stjórnar, þar sem hluthöfum er boðið að skrá sig fyrir auknu hlutafé í félaginu.

Á fundi bæjarráðs 27. október 2014 var eftirfarandi bókað:
Björn Ingimarsson bæjarstjóri ræddi hluthafafund Gróðrarstöðvarinnar Barra og fór yfir umræður þar og kynnti beiðni um hlutafjáraukningu.

Eftirfarandi tillaga lögð fram:
Bæjarráð samþykkir að vísa erindinu til atvinnu- og menningarnefndar til umfjöllunar og að hún taki afstöðu til mögulegrar ráðstöfunar fjármagns úr atvinnumálasjóði til hlutafjáraukningar. Bæjarráð óskar jafnframt eftir því að nefndin afgreiði málið fyrir næsta fund bæjarráðs nk. mánudag.

Atvinnu- og menningarnefnd leggur til við bæjarráð að hlutur Atvinnumálasjóðs Fljótsdalshéraðs í Gróðrastöðinni Barra ehf verði aukinn í hlutfalli við eign sjóðsins í félaginu, um allt að kr. 3.638.321, miðað við að tilgreint lágmark safnist í heild sem aukið hlutafé. Nefndin leggur til að þetta verði samþykkt sem viðauki.

Skúli Björnsson, framkvæmdastjóri Gróðrastöðvarinnar Barra ehf, sat hluta fundarins undir þessum lið.

Samþykkt samhljóða með handauppréttingu.

Bæjarráð Fljótsdalshéraðs - 272. fundur - 03.11.2014

Í bókun atvinnu- og menningarnefndar kemur fram að nefndin leggur til að hlutur Atvinnumálasjóðs Fljótsdalshéraðs í Gróðrarstöðinni Barra e.h.f. verði aukinn í hlutfalli við eign sjóðsins í félaginu, eða um allt að kr. 3.638.321 kr. miðað við að tilgreint lágmark safnist í heild sem aukið hlutafé. Nefndin leggur jafnframt til að þessi breyting á ráðstöfun fjármuna verði samþykkt sem viðauki við fjárhagsáætlun Fljótsdalshéraðs 2014.

Bæjarráð leggur til við bæjarstjórn að tillaga atvinnu- og menningarnefndar verði samþykkt.

Bæjarstjórn Fljótsdalshéraðs - 206. fundur - 05.11.2014

Eftirfarandi tillaga lögð fram:
Að tillögu atvinnu- og menningarnefndar og bæjarráðs samþykkir bæjarstjórn að hlutur Atvinnumálasjóðs Fljótsdalshéraðs í Gróðrarstöðinni Barra e.h.f. verði aukinn í hlutfalli við eign sjóðsins í félaginu, eða um allt að kr. 3.638.321 kr. miðað við að tilgreint lágmark safnist í heild sem aukið hlutafé.
Jafnframt samþykkir bæjarstjórn að þessi breyting á ráðstöfun fjármuna verði samþykkt sem viðauki við fjárhagsáætlun Fljótsdalshéraðs 2014.

Samþykkt samhljóða með handauppréttingu.