Hlutafjársöfnun til að halda áfram rekstri gróðrastöðvar á Valgerðarstöðum

Fyrir liggur erindi, dagsett 22.1. 2013, undirritað af Skúla Björnssyni framkvæmdastjóra Gróðrarstöðvarinnar Barra ehf, varðandi hlutafjársöfnun til að halda áfram rekstri gróðrarstöðvar á Valgerðarstöðum í Fellum.

Málinu vísað frá bæjarráði 23.1. 2013, til atvinnumálanefndar.

Skúli Björnsson sat fundinn undir þessum lið og gerði grein fyrir áætlunum félagsins.

Atvinnumálanefnd telur mikilvægt að sú uppbygging, sem átt hefur sér stað, ásamt þeirri þekkingu og reynslu sem myndast hefur með rekstri þessarar stöðvar, glatist ekki úr sveitarfélaginu. Nefndin telur einnig mikilvægt að verja þá nýsköpun og þróun sem áætlanir félagsins byggjast á og því leggur Atvinnumálanefnd til að Gróðrastöðinni Barra ehf verði lagt til hlutafé allt að kr. 5.000.000.

Bæjarráð tekur undir með atvinnumálanefnd og telur mikilvægt að sú uppbygging, sem átt hefur sér stað, ásamt þeirri þekkingu og reynslu sem myndast hefur með rekstri þessarar stöðvar, glatist ekki úr sveitarfélaginu. Einnig er mikilvægt að verja þá nýsköpun og þróun sem áætlanir félagsins byggjast á. Bæjarráð staðfestir með handauppréttingu afgreiðslu atvinnumálanefndar um að Gróðrarstöðinni Barra ehf verði lagt til hlutafé allt að kr. 5.000.000, sem tekið verður úr atvinnumálasjóði. Skilyrði er að lágmarks hlutafé náist.

Eftirfarandi tillaga lögð fram:

Bæjarstjórn telur mikilvægt að sú uppbygging, sem átt hefur sér stað, ásamt þeirri þekkingu og reynslu sem myndast hefur með rekstri þessarar stöðvar, glatist ekki úr sveitarfélaginu.

Einnig er mikilvægt að verja þá nýsköpun og þróun sem áætlanir félagsins byggjast á. Bæjarstjórn samþykkir að Gróðrarstöðinni Barra ehf verði lagt til hlutafé allt að kr. 5.000.000, sem tekið verður úr atvinnumálasjóði. Skilyrði er að takist að safna lágmarks hlutafé.

Samþykkt samhljóða með handauppréttingu.