Jafnréttisnefnd Fljótsdalshéraðs

Farið yfir drög að dagskrá landsfundar jafnréttisnefnda sem borist hafa frá Jafnréttisstofu.
Jafnréttisnefnd samþykkir dagskrárdrögin fyrir sitt leyti og felur starfsmanni að koma þeim skilaboðum á framfæri við Jafnréttisstofu.
Einnig ræddar hugmyndir að dagskrá í móttöku á fimmtudagskvöldið og starfsmanni falið að kanna frekar með dagskráratriði.

Skoðuð tilboð sem aflað var í gistingu og fundaraðstöðu fyrir fundinn, en gera þarf ráð fyrir því að allt að 50 manns mæti í ráðstefnusal.

Jafnréttisnefnd leggur til að samið verði við Hótel Valaskjálf, enda er tilboð þeirra hagstæðast. Lagt til að tekið verði tilboð nr. 1 á matseðli.

Jafnréttisnefnd skorar á kjörna bæjarfulltrúa og aðra sem að jafnréttismálum vinna í sveitarfélaginu að mæta á fyrirlestra sem verða á landsfundinum, en gert er ráð fyrir að hann hefjist kl. 9:00 föstudaginn 9. október.

Fram kom að Ingunn Bylgja formaður hefur óskað eftir tímabundnu leyfi frá störfum í nefndinni, frá því 25. sept. 2015 til 1. feb. 2016.
Ekki liggja fyrir nein sérstök mál á þessari stundu til umfjöllunar hjá jafnréttisnefnd, en nefndin verður kölluð saman ef þörf krefur.