Atvinnu- og menningarnefnd

Fyrir liggur kostnaðaráætlun vegna endurnýjunar þaks á félagsheimilinu Hjaltalundi. Málið var áður á dagskrá nefndarinnar 29. apríl 2019.

Atvinnu- og menningarnefnd leggur áherslu á að þakið á Hjaltalundi er illa farið og þarfnast viðhalds. Fyrirhuguð er vinna á vegum sveitarfélagsins við s.k. Úthéraðsverkefni, sbr. mál 201809013, þar sem m.a. er gert ráð fyrir að skoða möguleika Hjaltalundar sem t.d. gestastofu með fjölþætta starfsemi.
Nefndin beinir því til umhverfis- og framkvæmdanefndar að gera ráð fyrir fjármunum til viðhalds þaksins í næstu áætlunum.

Samþykkt samhljóða með handauppréttingu.

Í vinnslu.

Fyrir liggur tölvupóstur, dagsettur 20. maí 2019, frá Leikhópnum Lottu með beiðni um stuðning vegna sýninga hópsins sem haldnar verða á Egilsstöðum í sumar.

Atvinnu- og menningarnefnd leggur til að Leikhópurinn Lotta verði styrktur um kr. 50.000.

Samþykkt samhljóða með handauppréttingu.

Atvinnu- og menningarnefnd tekur sumarfrí að loknum næsta fundi, sem fyrirhugaður er í 24 viku. Nefndin komi saman að loknu sumarfríi í 35. viku.

Samþykkt samhljóða með handauppréttingu.

Fyrir liggur fundarboð á aðalfund Landskerfis bókasafna ásamt ársreikningi og samþykktum.

Lagt fram til kynningar.

Í vinnslu.