Ungmennaráð Fljótsdalshéraðs

Ungmennaráð samþykkir fyrirliggjandi starfsáætlun ráðsins fyrir tímabilið 2019-2021.

Samþykkt samhljóða með handauppréttingu.

Fyrir liggja umræður um fyrirkomulag ungmennaráðs í sameinuðu sveitarfélagi.

Ungmennaráð Fljótsdalshéraðs leggur áherslu á það að haft verði samráð við ungmennaráð og ungt fólk í byggðarkjörnunum fjórum þegar hugað er að útfærslu ungmennaráðs og öðru er varðar stjórnsýslu nýs sveitarfélags.

Samþykkt samhljóða með handauppréttingu.

Fyrir liggja umræður um fyrirkomulag Milljarður rís 2020.

Viðburðurinn, sem haldinn verður í febrúar 2020, er í vinnslu.

Fyrir liggja upplýsingar um möguleika á námskeiði fyrir ungmennaráð og stjórn nemendafélags ME.

Ungmennaráð leggur til að slíkt námskeið verði haldið sem fyrst og jafnframt að ungmennaráðum á Austurlandi verði boðið að taka þátt.

Samþykkt samhljóða með handauppréttingu.

Fyrir liggja upplýsingar um viðburð, umhverfisvæna jólainnpökkun, sem haldinn verður í Vegahúsinu miðvikudaginn 11. desember 2019 sem samvinnuverkefni ungmennaráðs, félagsmiðstöðvarinnar Nýungar og Vegahússins ungmennahúss.

Ungmennaráð hvetur íbúa alla til að mæta á viðburðinn til að reyna að gera jólin, okkar stærstu neysluhátíð, aðeins umhverfisvænni.

Samþykkt samhljóða með handauppréttingu.