Umsókn um byggingarleyfi fyrir Selás 33

Fyrir liggur umsókn um byggingarleyfi fyrir byggingu gestahúss að Selási 33.

Eftirfarandi tillaga lögð fram:
Bæjarráð samþykkir að þessi áform verði grenndarkynnt í samræmi við 40. gr. skipulagslaga nr. 123/2010. Skipulags- og byggingarfulltrúa falið að annast grenndarkynninguna.

Samþykkt samhljóða með handauppréttingu.

Grenndarkynning hefur farið fram vegna umsóknar um byggingaráform. Ein athugasemd barst.

Umhverfis- og framkvæmdanefnd þykir miður að grenndarkynning skuli hafa dregist á þessu erindi en það á sér skýringar í mannaskiptum á sviðinu, og að erindið barst á sumarleyfistíma. Eigi að síður hefur umsóknaraðili farið í framkvæmdir í heimildarleysi. Nefndin getur ekki fallist á að athugasemdin hafi áhrif á niðurstöðu um leyfisveitingu þar sem ekki kemur fram rökstuðningur að tiltekin framkvæmd hafi grenndaráhrif.

Umhverfis- og framkvæmdanefnd samþykkir að leggja til við bæjarstjórn að samþykkja erindið og heimila skipulags- og byggingarfulltrúa að gefa út byggingarleyfi þegar fullnægjandi gögn hafa borist.

Samþykkt samhljóða með handauppréttingu