Landsfundur Jafnréttisnefnda 2016

Málsnúmer 201609106

Jafnréttisnefnd Fljótsdalshéraðs - 59. fundur - 03.10.2016

Kristín formaður fór yfir það helsta sem kom fram á landsfundi jafnréttisnefnda sem haldinn var á Akureyri 16 september og hún sótti ásamt starfsmanni nefndarinnar.
Þar var meðal annars nokkuð fjallað um kynjaða áætlunargerð hjá sveitarfélögum, en það er hlutur sem sveitarstjórnum ber að hafa í huga við gerð fjárhagsáætlana.
Einnig var rætt um kynjafræðikennslu í skólum og nauðsyn þess að styðja við kennara í þeirra umfjöllun og kennslu.
Jafnréttisnefnd beinir því til fræðslunefndar að á sameiginlegum fræðsludegi skólanna verði fenginn fyrirlesari sem fjalli um kynjafræði og kennslu í henni á leik- og grunnskólastigi. Má þar benda á Hönnu Björgu Vilhjálmsdóttur, sem er starfandi kynjafræðikennari í Borgarholtsskóla.

Fram kom hjá Kristínu að hún teldi líka mjög mikilvægt að fulltrúar jafnréttisnefndar gætu mætt á landsfundina og að áætlað væri fyrir þeim kostnaði sem af því hlýst í fjárhagsáætlun jafnréttisnefnda.

Bæjarstjórn Fljótsdalshéraðs - 244. fundur - 05.10.2016

Á fundi jafnréttisnefndar fór formaður yfir það helsta sem kom fram á landsfundi jafnréttisnefnda sem haldinn var á Akureyri 16. september.
Þar var meðal annars nokkuð fjallað um kynjaða áætlunargerð hjá sveitarfélögum, en það er hlutur sem sveitarstjórnum ber að hafa í huga við gerð fjárhagsáætlana.

Einnig var rætt um kynjafræðikennslu í skólum og nauðsyn þess að styðja við kennara í þeirra umfjöllun og kennslu um jafnréttismál.

Eftirfarandi tillaga lögð fram.
Bæjarstjórn tekur undir með jafnréttisnefnd og beinir því til fræðslunefndar að á sameiginlegum fræðsludegi skólanna verði fenginn fyrirlesari sem fjalli um kynjafræði og kennslu í henni á leik- og grunnskólastigi.

Samþykkt samhljóða með handauppréttingu.