Frisbígolfvöllur

Fyrir liggur tölvupóstur, dagsettur 9. mars 2015, frá Degi Skírni Óðinssyni, fyrir hönd minningarsjóðs um Pétur Kjerúlf, þar sem boðinn er stuðningur við uppbyggingu frisbígolfaðstöðu í Tjarnargarðinum.

Íþrótta- og tómstundanefnd þakkar fyrir höfðinglegt boð sem stuðning við uppbyggingu frisbígolfvallar í Tjarnargarðinum. Nefndin vísar að öðru leyti til erindis 201504030 á dagskrá fundarins, en málið verður aftur til afgreiðslu á næsta fundi nefndarinnar.

Samþykkt samhljóða með handauppréttingu.

Fyrir liggur tölvupóstur, dagsettur 9. mars 2015, frá Degi Skírni Óðinssyni, fyrir hönd minningarsjóðs um Pétur Kjerúlf, þar sem boðinn er stuðningur við uppbyggingu frisbígolfaðstöðu í Tjarnargarðinum.

Eftirfarandi tillaga lögð fram:
Bæjarstjórn tekur undir með íþrótta- og tómstundanefnd og þakkar fyrir höfðinglegt boð um stuðning við uppbyggingu frisbígolfvallar í Tjarnargarðinum. Vísað er að öðru leyti til erindis 201504030 á dagskrá fundarins, en málið verður aftur til afgreiðslu á næsta fundi íþrótta- og tómstundanefndar.

Samþykkt með 8 atkv. en 1 sat hjá (Þ.M.Þ)