Tjarnarskógur - Skógarland - húsnæðismál

Kynntar þær niðurstöður sem fram eru komnar vegna þakefnis í byggingu leikskólans við Skógarlönd.

Í niðurstöðum Þorsteins Erlingssonar húsasmíðameistara kemur eftirfarandi fram:

Við leit okkar að myglu notuðum við sömu aðferðir og vinnubrögð og notuð voru í rannsóknum í Norðurtúni á Egilsstöðum og víðar í húsum sem ÍAV byggði.

Tekin voru 8 göt inn í loftrými þaksins á ýmsum stöðum, loftun athuguð og mæld með reykprófi.

Öndunin var í lagi í öllum tilfellum.

Engin mygla sjáanleg í röramyndavél í neinu af þessum götum, engin lykt eða annað sem gæfi til kynna myglu inni í rýminu.

Miðað við reynslu af fyrri rannsóknarverkefnum þá er hægt að ganga út frá því að þakið sé ómyglað.

Eftirfarandi tillaga lögð fram:

Bæjarstjórn fagnar því að allar niðurstöður sem borist hafa úr rannsóknum á byggingu leikskólans Tjarnarskógar við Skógarland, benda til þess að ekki sé myglusvepp að finna í húsinu. Enn er beðið niðurstöðu úr greiningu rannsóknarstofu á sýnum sem tekin voru við skoðun á húsinu sem framkvæmd var í janúar, en engar vísbendingar komu fram við þá skoðun sem bentu til myglu.

Samþykkt samhljóða með handauppréttingu.