Fræðslunefnd Fljótsdalshéraðs - 288

Málsnúmer 2004011F

Bæjarstjórn Fljótsdalshéraðs - 314. fundur - 06.05.2020

Til máls tóku: Berglind Harpa Svavarsdóttir, sem kynnti fundargerðina og lagði fram drög að bókunum. Björg Björnsdóttir, sem ræddi liði 7.1 7.2 og 7.4. Hannes Karl Hilmarsson, sem ræddi liði 7.1, 7.2 og 7.4. Stefán Bogi Sveinsson, sem ræddi liði 7.1 og 7.4. Anna Alexandersdóttir, sem ræddi liði 7.1 og 7.4. Björg Björnsdóttir, sem ræddi liði 7.1 og 7.4, Björn Ingimarsson, sem ræddi liði 7.1, 7.2 og 7.4 og Berglind Harpa Svavarsdóttir, sem ræddi liði 7.1, 7.2 og 7.4.

Fundargerðin lögð fram.
  • .1 202001041 Tónlistarskólinn á Egilsstöðum, húsnæðismál
    Bókun fundar Á fundi fræðslunefndar var rætt um frumtillögu að nýju húsnæði fyrir Tónslistarskólann á Egilsstöðum og frístunda- og félagsmiðstöðvarstarf.
    Mat fulltrúa tónlistarskólans er að um fallega byggingu sé að ræða sem fellur vel að nánasta umhverfi.
    Með tillögunni er stigið mikilvægt skref til að tryggja framtíðarhúsnæði fyrir Tónlistarskólann á Egilsstöðum, sem auk þess að leysa með varanlegum hætti húsnæðisþörf tónlistarskólans, tekur á húsnæðisvanda frístunda- og félagsmiðstöðvarstarfs á Egilsstöðum. Með flutningi tónlistarskólans losnar um húsnæði í Egilsstaðaskóla sem hefur þörf fyrir að geta notað það húsnæði sem tónlistarskólinn ræður yfir nú.

    Eftirfarandi tillaga lögð fram:
    Bæjarstjórn tekur undir með fræðslunefnd og hvetur nýja sveitarstjórn til að setja þessa framkvæmd inn í langtímaáætlun nýs sveitarfélags og vinna að framgangi þess.

    Samþykkt samhljóða án atkvæðagreiðslu.
  • .2 202004127 Staða mála í grunnskólum í ljósi samfélagslegra aðstæðna
    Bókun fundar Á fundi fræðslunefndar fóru skólastjórar grunnskólanna yfir stöðu mála hver í sínum skóla og með hvaða hætti skipulag starfseminnar er þessar vikurnar.

    Eftirfarandi tillaga lögð fram:
    Bæjarstjórn tekur undir með fræðslunefnd og þakkar skólastjórum og starfsfólki skólanna fyrir hversu vel hefur tekist að leysa mál þrátt fyrir erfiðar og flóknar starfsaðstæður.

    Samþykkt samhljóða án atkvæðagreiðslu.
  • .3 202004126 Skóladagatal Brúarásskóla 2020-2021
    Bókun fundar Afgreiðsla fræðslunefndar staðfest.
  • .4 202002030 Frístund 2020-2021
    Bókun fundar Á fundi fræðslunefndar var farið yfir stöðu mála vegna starfsemi Frístundar, einkum með áherslu á starfið á næsta skólaári, en fyrir liggur að stór árgangur kemur inn í grunnskólana annað árið í röð. Ruth Magnúsdóttir vakti sérstaka athygli á stöðu þeirra barna sem eiga rétt á sérstakri þjónustu á grundvelli málefna fatlaðra. Það er mikilvægt að huga sérstaklega að því að þessi hópur fái þjónustu við hæfi.

    Eftirfarandi tillaga lögð fram:
    Bæjarstjórn tekur undir með fræðslunefnd og leggur áherslu á að unnin verði aðgerðaáætlun á grundvelli skýrslu starfshóps um Frístundastarfsemi, sem fjallað var um á fundi nefndarinnar 10. mars. Þannig verði tryggt að sú framtíðarsýn sem þar er sett fram fái framgang. Áhersla verði lögð á samráð við hagsmunaaðila við mótun áætlunarinnar.

    Einnig er mikilvægt að við niðurröðun tíma í íþróttahúsinu í haust verði tekið tillit til þarfa Frístundar og tryggt að starfsemin fái rými þar, nú þegar aðstaða í íþróttahúsinu stækkar mikið með tilkomu nýs fimleikasalar.

    Samþykkt samhljóða án atkvæðagreiðslu.
  • .5 201211040 Fundargerðir skólaráðs Fellaskóla.
    Bókun fundar Lagt fram til kynningar.
  • .6 202004125 Skóladagatal Fellaskóla 2020-2021
    Bókun fundar Afgreiðsla fræðslunefndar staðfest.
  • .7 202004124 Skóladagatal Egilsstaðaskóla 2020-2021
    Bókun fundar Afgreiðsla fræðslunefndar staðfest.
  • .8 201209100 Fundargerðir skólaráðs Egilsstaðaskóla
    Bókun fundar Lagt fram til kynningar.
  • .9 201108127 Skýrsla fræðslustjóra
    Bókun fundar Lagt fram til kynningar.