Umhverfis- og framkvæmdanefnd - 130

Málsnúmer 2004004F

Bæjarstjórn Fljótsdalshéraðs - 312. fundur - 15.04.2020

Til máls tók: Stefán Bogi Sveinsson, sem kynnti fundargerðina og lagði fram drög að bókunum.

Fundargerðin lögð fram.
  • .1 202002078 Viðhald á sauðfjárveikivarnagirðingum
    Bókun fundar Fyrir umhverfis- og framkvæmdanefnd lá að bregðast við ástandi á sauðfjárveikvarnargirðingum. Þorsteinn Bergsson dýraeftirlitsmaður hjá MAST mætir á fundinn og fór yfir ástand girðinga.

    Eftirfarandi tillaga lögð fram:
    Bæjarstjórn tekur undir með umhverfis- og framkvæmdanefnd og fer fram á það við atvinnuvega- og nýsköpunarráðuneytið að veita fé til viðgerða á varnargirðingu á svonefndri Reyðarfjarðarlínu (nr. 20 skv. auglýsingu nr. 88/2018) sem aðskilur Austfjarða- og Suðurfjarðahólf, þannig að ljúka megi þeim fyrir 15. júní 2020. Ljóst er að sjúkdómastaða sauðfjársjúkdóma í Austfjarða- og Suðurfjarðahólfi er ekki hin sama og því skylt að halda varnarlínunni við skv. 1. mgr. 23. gr. laga nr. 25/1993 um dýrasjúkdóma og varnir gegn þeim. Samkvæmt sömu grein skal ríkissjóður greiða kostnað við viðhald svonefndra aðalvarnarlína og er Reyðarfjarðarlína ein þeirra.

    Bæjarstjórn bendir á auk þess að vera nauðsynleg aðgerð geti verið skynsamlegt að ráðast í verkefnið nú í ljósi atvinnuástands og að ef til vill sé unnt að skapa sumarstörf í tengslum við viðhald girðingarinnar og annarra girðinga á svæðinu.

    Verði ekki brugðist við af hálfu ráðuneytisins telur bæjarstjórn ljóst, þar sem hlutar girðingarinnar eru orðnir hættulegir búfé, villtum dýrum og fólki eins og þeir eru, að sveitarfélaginu sé þar með skylt að láta fjarlægja áðurnefnda hluta girðingarinnar á kostnað ríkissjóðs, meðal annars með vísan til 2. mgr. 8. gr. girðingarlaga nr. 135/2001.

    Sveitarfélagið harmar ef til þess þarf að koma að gripið verði til ofangreindra ráðstafana, en vegna alvarlegrar vanrækslu á viðhaldi girðingarinnar undanfarin ár, er sóttvarnagildi hennar hvort sem er ekki til staðar.

    Samþykkt samhljóða án atkvæðagreiðslu.
  • .2 202004010 Staða framkvæmda, mars 2020
    Bókun fundar Lagt fram til kynningar.
  • .3 2003120 Umsókn um framkvæmdaleyfi fyrir göngustígum og pöllum í landi Grundar, Stuðlagil
    Bókun fundar Í vinnslu.
  • .4 201401135 Miðbær Egilsstaða deiliskipulag 2016
    Bókun fundar Lagt fram til kynningar.
  • .5 202003127 Beiðni um framkvæmdaleyfi. Vatnsveita við Hálslón
    Bókun fundar Umsókn um framkvæmdaleyfi fyrir lagningu vatnslagnar fyrir starfsmannaaðstöðu og móttöku ferðamanna við Kárahnjúka.

    Eftirfarandi tillaga lögð fram:
    Að tillögu umhverfis- og framkvæmdanefndar samþykkir bæjarstjórn framkvæmdaleyfi fyrir slóða að vatnsbóli, lagningu á neysluvatnslögn og starfsmannaaðstöðu við Kárahnjúka. Vakin er athygli á því að starfamannaaðstaða kann að vera háð umsögnum og leyfum frá bæði Vinnueftirliti og HAUST.

    Samþykkt samhljóða án atkvæðagreiðslu.
  • .6 202003107 Úlfsstaðaskógur 43 - Umsókn um byggingaráform og byggingarleyfi
    Bókun fundar Í vinnslu.
  • .7 202003133 Brennistaðir 1 - Umsókn um byggingaráform og byggingarleyfi
    Bókun fundar Í vinnslu.
  • .8 202003010 Umsókn um framkvæmdaleyfi til skógræktar, Hvanná 1
    Bókun fundar Í vinnslu.
  • .9 202004013 Breyting á lóð og endurnýjun á lóðaleigusamning, Selás 6
    Bókun fundar Í vinnslu.
  • .10 201910174 Umsókn um lagnaleið
    Bókun fundar Umhverfis- og framkvæmdanefnd tók til umræðu framkvæmdaleyfi fyrir lagningu ljósleiðara meðfram Votahvammi, sem tengir Ártröð og Brávelli.

    Eftirfarandi tillaga lögð fram.
    Að tillögu umhverfis- og framkvæmdanefndar samþykkir bæjarstjórn lagningu ljósleiðara meðfram Votahvammi sem tengir Ártröð og Brávelli. Jafnframt samþykkir bæjarstjórn að framkvæmdaleyfið verði háð samningi um nýtingu lands og skilmálum um legu og frágang lagna og að samningurinn verði tímabundinn með uppsagnarákvæði.

    Samþykkt samhljóða án atkvæðagreiðslu.
  • .11 202003052 Fjölnota tæki á íþróttavelli
    Bókun fundar Í vinnslu.
  • .12 202004025 Umsókn um skráningu nýrra landeigna í fasteignaskrá úr landi Stórhöfða
    Bókun fundar Umsókn um skráningu nýrra landeignar í fasteignaskrá úr landi Stórhöfða.

    Eftirfarandi tillaga lögð fram:
    Að tillögu umhverfis- og framkvæmdanefndar samþykkir bæjarstjórn að heimila skráningu nýrrar landeignar og veitir jákvæða umsögn um landskipti.

    Samþykkt samhljóða án atkvæðagreiðslu.