Félagsmálanefnd - 180

Málsnúmer 1912016F

Bæjarstjórn Fljótsdalshéraðs - 307. fundur - 05.02.2020

Til máls tóku: Anna Alexandersdóttir, sem kynnti fundargerðina og lagði fram drög að bókunum. Björg Björnsdóttir, sem ræddi liði 9.3 og 9.6. Anna Alexandersdóttir, sem ræddi liði 9.6 og 9.3. Björg Björnsdóttir, sem ræddi lið 9.6 og kynnti viðbót við fyrirliggjandi tillögu og Berglind Harpa Svavarsdóttir, sem ræddi lið 9.3.

Fundargerðin lögð fram.
  • .1 201910145 Styrkbeiðni Stígamóta fyrir árið 2020
    Bókun fundar Í vinnslu.
  • .2 202001114 Erindi frá Réttindagæslumanni fatlaðs fólks, Bláargerði 9
    Bókun fundar Í vinnslu.
  • .3 202001115 Samvinna eftir skilnað - SES/Félagsleg ráðgjöf
    Bókun fundar Eftirfarandi tillaga lögð fram:
    Bæjarstjórn tekur undir með félagsmálanefnd og samþykkir að ganga til samstarfs og samninga við félags- og barnamálaráðuneytið ásamt dómsmálaráðuneytinu um forvarnarstarf í þágu barna og barnafjölskyldna í skilnaðarferli. Verklagið er í samhljómi við yfirlýsta stefnu og markmið Félagsþjónustu Fljótsdalshéraðs hvað varðar bætta stöðu barna, með snemmtækri íhlutun og forvarnarstarfi.

    Samþykkt samhljóða með handauppréttingu.
  • .5 202001119 Fræðslufundur um sáttmála SÞ um réttindi fatlaðs fólks
    Bókun fundar Lagt fram til kynningar.
  • .6 202001120 Erindi einstaklinga - frá bæjarstjórnarbekk
    Bókun fundar Í félagsmálanefnd var tekið fyrir erindi af bæjarstjórnarbekk þess efnis að afsláttarviðmið fasteignaskatts fyrir tekjulága elli- og örorkulífeyrisþega væru of lág.
    Um er að ræða heimild í tekjustofnalögum sem hvert sveitarfélag getur nýtt, samkvæmt sérstökum samþykktum reglum þar um og skal hver sveitarstjórn árlega ákveða þau tekjuviðmið og hámarksafslátt sem gildir viðkomandi ár.

    Eftirfarandi tillaga lögð fram:
    Bæjarstjórn tekur undir með félagsmálanefnd og bendir á að ákvörðun um breytingar á viðmiðunarmörkum er tekin árlega, samhliða fjárhagsáætlunargerð og hefur því þegar verið samþykkt fyrir árið 2020.
    Bæjarstjórn vísar erindinu til gerðar fjárhagsáætlunar fyrir árið 2021.

    Samþykkt samhljóða með handauppréttingu.


  • .7 201912047 Styrkbeiðni vegna reksturs Aflsins 2020
    Bókun fundar Í vinnslu.
  • .8 201712031 Skýrsla Félagsmálastjóra
    Bókun fundar Lagt fram til kynningar.