Íþrótta- og tómstundanefnd - 57

Málsnúmer 1911004F

Bæjarstjórn Fljótsdalshéraðs - 305. fundur - 04.12.2019

Til máls tók: Berglind Harpa Svavarsdóttir, sem kynnti fundargerðina og lagði fram drög að bókunum. Einnig ræddi hún sérstaklega liði 5.2. og 5.8.

Fundargerðin lögð fram.
  • .1 201910177 Ósk um endurskoðun gjaldskrárhækkunar og afnám hjónakorta Íþróttamiðstöðvarinnar á Egilsstöðum
    Bókun fundar Lagt fram til kynningar.
  • .2 201305168 Gjaldskrá Íþróttamiðstöðvarinnar Egilsstöðum
    Bókun fundar Eftirfarandi tillaga lögð fram:
    Að tillögu íþrótta- og tómstundanefndar samþykkir bæjarstjórn fyrirliggjandi breytingar á gjaldskrá sem snúa eingöngu að því að frá og með 1. janúar 2020 verði frítt í Héraðsþrek og sund fyrir eldri borgara og frítt í sund fyrir börn upp að 18 ára aldri. Gildir það fyrir íbúa á Fljótsdalshéraði.

    Samþykkt samhljóða með handauppréttingu.
  • .3 201910176 Starfsáætlun íþrótta- og tómstundanefndar 2020
    Bókun fundar Afgreiðsla íþrótta- og tómstundanefndar staðfest.
  • .4 201911022 Ósk um gjaldfrjálsan tíma í Héraðsþreki fyrir eldri borgara
    Bókun fundar Lagt fram til kynningar.
  • .5 201905099 Viðurkenningar fyrir íþróttafólk Fljótsdalshéraðs
    Bókun fundar Fyrir liggja breytingar á reglum um viðurkenningu fyrir íþróttafólk Fljótsdalshéraðs. Í ljósi tilnefninga sem bárust frá íþróttafélögum telur íþrótta- og tómstundanefnd mikilvægt að endurskoða reglurnar og rýmka aldurstakmark þeirra sem tilnefndir geta verið. Vonast nefndin til þess að þessar breytingar verði til þess að tilnefningar berist frá fleiri félögum og deildum.

    Eftirfarandi tillaga lögð fram:
    Bæjarstjórn tekur undir með íþrótta- og tómstundanefnd og hvetur íþróttafélög og deildir til að tilnefna íþróttafólk til viðbótar við þær tilnefningar sem þegar hafa borist, með tilliti til breyttra reglna.

    Samþykkt samhljóða með handauppréttingu.
  • .6 201911097 Íþróttaaðstaða í sameinuðu sveitarfélagi
    Bókun fundar Lagt fram til kynningar.
  • .7 201804111 Málefni líkamsræktar og framtíðarsýn
    Bókun fundar Eftirfarandi tillaga lögð fram:
    Bæjarstjórn tekur undir það sem fram kom á fundi íþrótta- og tómstundanefndar um að taka verði tillit til þeirrar starfsemi sem starfrækt er í sveitarfélaginu við skipulagningu tíma í Íþróttamiðstöðinni á Egilsstöðum og Héraðsþreki. Bæjarstjórn tekur jafnframt undir afstöðu nefndarinnar sem telur þó ekki ástæðu til að gera breytingar á starfsemi Héraðsþreks að svo stöddu, en hvetur forstöðumann Íþróttamiðstöðvarinnar til að hafa þessi sjónarmið í huga.

    Samþykkt samhljóða með handauppréttingu.
  • .8 201807002 Tómstundaframlag
    Bókun fundar Fyrir liggja yfirfarnar reglur um tómstundaframlag Fljótsdalshéraðs, til viðbótar við bókun ungmennaráðs frá 6. nóvember 2019.

    Eftirfarandi tillaga lögð fram:
    Að tillögu íþrótta- og tómstundanefndar samþykkir bæjarstjórn fyrirliggjandi reglur.

    Samþykkt samhljóða með handauppréttingu.
  • .9 201910192 Tíðavörur í skóla og félagsmiðstöðvar
    Bókun fundar Afgreiðsla íþrótta- og tómstundanefnda staðfest.
  • .10 201911073 Eftirlitsskýrsla HAUST - Fellavöllur
    Bókun fundar Lagt fram til kynningar.