Bæjarráð Fljótsdalshéraðs - 418

Málsnúmer 1802020F

Bæjarstjórn Fljótsdalshéraðs - 270. fundur - 07.03.2018

Til máls tóku: Gunnar Jónsson, sem kynnti fundargerðina og lagði fram drög að bókunum. Einnig ræddi hann sérstaklega lið 4.11. Ragnhildur Rós Indriðadóttir, sem ræddi lið 4.11. Þórður Mar Þorsteinsson, sem ræddi lið 4.11. Stefán Bogi Sveinsson, sem ræddi lið 4.11 og Þórður Mar Þorsteinsson, sem ræddi lið 4.11.

Fundargerðin lögð fram.
  • .1 201801001 Fjármál 2018
    Bókun fundar Ákvörðun um að taka lán hjá Lánasjóði sveitarfélaga sem tryggt er með veði í tekjum sveitarfélagsins:

    Eftirfarandi tillaga lögð fram:
    Að tillögu bæjarráðs samþykkir bæjarstjórn Fljótsdalshéraðs hér með að taka lán hjá Lánasjóði sveitarfélaga að höfuðstól kr. 223.000.000, með lokagjalddaga þann 5. desember 2032, í samræmi við skilmála að lánasamningi sem liggja fyrir á fundinum og sem bæjarráð hefur kynnt sér. Bæjarstjórn samþykkir að til tryggingar láninu (höfuðstól, uppgreiðslugjaldi auk vaxta, dráttarvaxta og kostnaðar), standa tekjur sveitarfélagsins, sbr. heimild í 2. mgr. 68. gr. sveitarstjórnarlaga nr. 138/2011, nánar tiltekið útsvarstekjum sínum og framlögum til sveitarfélagsins úr Jöfnunarsjóði sveitarfélaga. Er lánið tekið til fjármögnunar á hlutdeild Fljótsdalshéraðs í framtíðarlífeyrisskuldbindingum Lífeyrissjóðsins Brúar sem telst verkefni sem hefur almenna efnahagslega þýðingu, sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006. Jafnframt er Birni Ingimarssyni, bæjarstjóra Fljótsdalshéraðs kt. 301254-4079, veitt fullt og ótakmarkað umboð til þess f.h. sveitarfélag að undirrita lánssamning við Lánasjóð sveitarfélaga sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari, þ.m.t. beiðni um útborgun láns.

    Samþykkt samhljóða með handauppréttingu.
  • .2 201306083 Langtíma fjárfestingaráætlun
    Bókun fundar Eftirfarandi tillaga lögð fram:
    Að tillögu bæjarráðs samþykkir bæjarstjórn að eftirfarandi fulltrúar muni starfa með fræðslunefnd að rýni að áformum um uppbyggingu leikskóla. Frá bæjarráði Anna Alexandersdóttir og Stefán Bogi Sveinsson, frá umhverfis- og framkvæmdanefnd, samkvæmt tillögu nefndarinnar, Árni Kristinsson og Esther Kjartansdóttir.

    Samþykkt samhljóða með handauppréttingu.
  • .3 201802145 Fundargerð 237. fundar stjórnar Hitaveitu Egilsstaða og Fella
    Bókun fundar Lagt fram til kynningar.
  • .4 201802177 Fundargerð 857.fundar Sambands íslenskra sveitarfélaga
    Bókun fundar Fundargerðin lögð fram til kynningar.
  • .5 201606016 Almenningssamgöngur á Austurlandi
    Bókun fundar Fundargerðin lögð fram til kynningar.
  • .6 201802170 Ráðstefna um jafnrétti, fjölbreytileika og þátttöku allra
    Bókun fundar Lagt fram til kynningar.
  • .7 201801116 Beiðni um leigutöku á jörðinni Hóli í Hjaltastaðaþinghá
    Bókun fundar Í vinnslu.
  • .8 201711059 Þróun kennsluhátta í grunnskólum Fljótsdalshéraðs
    Bókun fundar Í vinnslu.
  • .9 201803008 Landsáætlun um uppbyggingu innviða til verndar náttúru og menningarsögulegum minjum
    Bókun fundar Í vinnslu.
  • .10 201802179 Breytingar á mannvirkjalögum
    Bókun fundar Í vinnslu.
  • .11 201802163 Tillaga til þingsályktunar um stefnu stjórnvalda um uppbyggingu flutningskerfis raforku
    Bókun fundar Eftirfarandi tillaga lögð fram:
    Í ljósi 4. töluliðar A-hluta tillögunnar bendir bæjarstjórn Fljótsdalshérað á að hún telur óráðlegt að útiloka allar línulagnir yfir hálendi, eins og þar er gert ráð fyrir. Bæjarstjórn bendir á að í sumum tilfellum má færa rök fyrir því að línulagnir um láglendi geti verið verri kostur með tilliti til sjónrænna áhrifa, heldur en línulagnir um hálendi. Má þar t.d. benda á svæði sunnan Vatnajökuls, sem sum hver eru innan þjóðgarðsmarka. Einnig má benda á að orðið hálendi er ekki frekar skilgreint í tillögunni og að mjög ólík sjónarmið geta átt við um línulagnir yfir mismunandi hálendissvæði.

    Samþykkt með handauppréttingu með 8 atkv. en 1 sat hjá (RRI).
  • .12 201802180 Frumvarp til sveitarstjórnarlaga (fjöldi fulltrúa í sveitarstjórn)
    Bókun fundar Lagt fram.