Umhverfis- og framkvæmdanefnd - 76

Málsnúmer 1709001F

Bæjarstjórn Fljótsdalshéraðs - 262. fundur - 20.09.2017

Til máls tóku: Árni Kristinsson, sem kynnti fundargerðina og lagði fram drög að bókunum og ræddi sérstaklega liði 4.15 og 4.16. Sigrún Blöndal, sem vakti athygli á vanhæfi sínu vegna liðar 4.4 og úrskurðaði forseti hana vanhæfa. Stefán Bogi Sveinsson, sem ræddi lið 4.15 og 4.16 og Gunnar Jónsson, sem rædi liði 4.15 og 4.16.

Fundargerðin lögð fram:
  • .1 201709011 Umsókn um byggingarleyfi fyrir hleðslustöð, Kaupvangi 4
    Bókun fundar Í vinnslu.
  • .2 201708091 Umsókn um byggingarleyfi fyrir frístundahúsi, Geirastaðir II
    Bókun fundar Umsókn um byggingarleyfi fyrir frístundahúsi, Geirastaðir II.

    Eftirfarandi tillaga lögð fram:
    Að tillögu umhverfis- og framkvæmdanefndar samþykkir bæjarstjórn erindið og felur skipulags- og byggingarfulltrúa að gefa út leyfi þegar tilskilin gögn liggja fyrir.

    Samþykkt samhljóða með handauppréttingu.
  • .3 201706037 Brávellir 14 - bílskúr
    Bókun fundar Í vinnslu.
  • .4 201601236 Eyvindará II deiliskipulag
    Bókun fundar Fyrir liggur erindi frá Birni Sveinssyni, Verkís, þar sem óskað er eftir breytingu á deiliskipulagi Eyvindarár II. Breytingin felst í uppfærslu staðsetningar byggingarreits sem ætlaður er til framtíðar stækkunar.


    Eftirfarandi tillaga lögð fram:
    Að tillögu umhverfis- og framkvæmdanefndar, samþykkir bæjarstjórn að skipulagstillagan hljóti meðferð í samræmi við 1. mgr. 43. gr. Skipulagslaga nr. 123/2010.

    Samþykkt samhljóða með handauppréttingu með 8 atkvæðum en 1 var fjarverandi.
  • .5 201708022 Umsókn um byggingarleyfi
    Bókun fundar Í vinnslu.
  • .6 201607001 Húsafriðunarsjóður 2016/umsókn um styrk
    Bókun fundar Lagt fram til kynningar.
  • .7 201701004 Plastpokalaust Fljótsdalshérað
    Bókun fundar Í vinnslu hjá skipulags- og byggðngarfulltrúa.
  • .8 201708035 Gangnaboð og gangnaseðlar 2017
    Bókun fundar Lagðir eru fram gangnaseðlar Skriðdals og Jökuldals austan Jökulsár á Dal og Tungu.

    Eftirfarandi tillaga lögð fram:
    Bæjarstjórn tekur undir með umhverfis- og framkvæmdanefnd og samþykkir framlögð gangnaboð og felur starfsmanni sveitarfélagsins að dreifa fundargerð og gangnaseðlum á viðeigandi bæi.

    Samþykkt samhljóða með handauppréttingu.
  • .9 201708035 Athugsemdir við gangnaseðil í Skriðdal.
    Bókun fundar Afgreiðsla umhverfis- og framkvæmdanefndar staðfest.
  • .10 201709018 Lóðaleigusamningur / Eignahald á bílvog.
    Bókun fundar Fyrir liggur bréf frá Sigþóri Halldórssyni f.h. Yls ehf. með ósk um að gerður verði lóðaleigusamningur um lóðina Lyngás 10.

    Eftirfarandi tillaga lögð fram:
    Að tillögu umhverfis og framkvæmdanefndar samþykkir bæjarstjórn að gerður verði lóðaleigusamningur um lóðina, Lyngás 10.

    Samþykkt samhljóða með handauppréttingu.
  • .11 201708092 Staðfesting á uppdrætti, Hjallaskógur land nr.157525
    Bókun fundar Fyrir liggur ósk frá Sigrúnu H. Pálsdóttur um staðfestingu á lóðaruppdrætti í Hjallaskógi.

    Eftirfarandi tillaga lögð fram.
    Að tillögu umhverfis- og framkvæmdanefndar felur bæjarstjórn skipulags- og byggingarfulltrúa að staðfesta uppdráttinn, þegar fyrir liggur staðfesting á landamerkjum aðliggjandi lóða.

    Samþykkt samhljóða með handauppréttingu.
  • .12 201702095 Rafbílavæðing
    Bókun fundar Í vinnslu.
  • .13 201709022 Fallegri listigarð
    Bókun fundar Lagt fram erindi af vefsvæðinu Betra Fljótsdalshérað.

    Eftirfarandi tillaga lögð fram:
    Bæjarstjórn tekur undir með umhverfis- og framkvæmdanefnd og bendir á að nefndin hefur nú þegar látið gera umhirðu- og framkvæmdaáætlun fyrir Tjarnargarðinn, sem nú er unnið eftir.

    Samþykkt samhljóða með handauppréttingu.
  • .14 201709021 Fegrun á aðkomu í Fellabæ
    Bókun fundar Lagt fram erindi af vefsvæðinu Betra Fljótsdalshérað.

    Eftirfarandi tillaga lögð fram:
    Bæjarstjórn bendir á að umhverfis- og framkvæmdanefnd hefur látið vinna skýrslu um aðkomur að þéttbýlinu á Egilsstöðum og í Fellabæ, sem notuð verður við gerð starfs- og fjárhagsáætlunar 2018.

    Samþykkt samhljóða með handauppréttingu.
  • .15 201708094 Umsókn um stofnun nýrrar lóðar við Kirkjubæ
    Bókun fundar Fyrir liggur umsókn um stofnun lóða utan um húsakost á Kirkjubæ sem er í vinnslu hjá umhverfis- og framkvæmdanefnd.

    Eftirfarandi tillaga lögð fram:
    Bæjarstjórn ítrekar fyrri afstöðu sína í málefnum ríkisjarða sem birtist meðal annars í bókun bæjarstjórnar Fljótsdalshéraðs frá 19. apríl 2017 og 15. júní 2016 og var svohljóðandi: Bæjarstjórn Fljótsdalshéraðs beinir því til ríkisvaldsins að leita allra leiða til þess að ríkisjarðir séu setnar og tryggja að samfella sé í búrekstri þeirra jarða sem hafa verið í nýtingu. Í ljósi stöðu dreifbýlis Fljótsdalshéraðs er það sveitarfélaginu sérstaklega mikilvægt að þessar kostajarðir séu setnar.

    Samþykkt samhljóða með handauppréttingu.
  • .16 201708093 Umsókn um stofnun nýrrar lóðar við Unaós
    Bókun fundar Í vinnslu, en að öðru leyti er vísað til bókunar undir lið 4.15
  • .17 201703008 Grásteinn, deiliskipulag
    Bókun fundar Fyrir liggur fyrirspurn frá Vegagerðinni vegna tillögu að deiliskipulagi Grásteinn, Eyvindaraá 13. þar er óskað eftir upplýsingu um hvort deiliskipulag uppfylli ákvæði um þéttleika byggðar í aðlaskipulagi og hvernig vegtengingu við lóð nr. 12 verði háttað.

    Eftirfarandi tillaga lögð fram:
    Bæjarstjórn bendir á svar umhverfis- og framkvæmdanefndar sem tekur fram að lóðir sem tillagan nær til eru mismunandi að stærð, allt frá rúmum 300 m2 til nær 5000 m2 á landsvæði sem er einungis 2.5 ha. að stærð. Því er það ljóst að heildarsvæðið stenst ekki ítrustu viðmið aðalskipulags hvað varðar þéttleika. Bæjarstjórn gerir ráð fyrir að lóð nr. 12 verði tengd þjóðvegi með þeirri vegtengingu sem sýnd er í tillögu samanber liður 1.5 í greinagerð.

    Samþykkt samhljóða með handauppréttingu.