Fræðslunefnd Fljótsdalshéraðs

Sigurlaug Jónasdóttir, skólastjóri Egilsstaðaskóla, fylgdi eftir tillögu sinni að fjárhagsáætlun fyrir skólann fyrir árið 2014. Hækkun á beiðni á launalið kemur til vegna aukins aldursafsláttar kennara skólans. Hækkun á beiðni á rekstrarliðum kemur til vegna almennra hækkana auk þess sem ýmis kennslubúnaður og húsbúnaður þarfnast endurnýjunar. Fram kom að nemendur eru 344 við upphaf skólaárs 2013-2014. Skólastjóri fór þessu til viðbótar yfir ýmsa þætti er varða framkvæmdir og búnað, einkum ítrekaði hún nauðsyn þess að gangur í bókasafni verði settur á framkvæmdaáætlun strax eftir áramót, enda reyni mikið á gegnumgang nemenda á leið í tíma í tónlistarskóla nú. Jafnframt minnti hún á nauðsyn þess að ljúka frágangi við aðkomu yngri nemenda enda hljótist hætta af aðstæðum eins og þær eru nú. Fjárhagsáætlun skólans verður afgreidd með heildarfjárhagsáætlun fræðslusviðs fyrir árið 2014.

Sverrir Gestsson, skólastjóri Fellaskóla, fylgdi eftir tillögu sinni að fjárhagsáætlun fyrir skólann fyrir árið 2014. Fram kom að nemendur eru við upphaf skólaárs 2013-2014 108 en voru á sama tíma í fyrra 97. Fjárhagsáætlun skólans verður afgreidd með heildarfjárhagsáætlun fræðslusviðs fyrir árið 2014.

Stefanía Malen Stefánsdóttir, skólastjóri Brúarásskóla, fylgdi eftir tillögu sinni að fjárhagsáætlun fyrir skólann fyrir árið 2014. Fram kom að grunnskólanemendur eru við upphaf skólaárs 2013-2014 37 og leikskólanemendur 7. Fjárhagsáætlun skólans verður afgreidd með heildarfjárhagsáætlun fræðslusviðs fyrir árið 2014.

Lagt fram til kynningar.

Lagt fram til kynningar.

Lagt fram til kynningar.

Til kynningar.