Fræðslunefnd Fljótsdalshéraðs

Fræðslunefnd þakkar félagsmálastjóra góða kynningu á nýju verklagi á fjölskyldusviði. Nefndin fagnar þessari jákvæðu nýbreytni og trúir því að hún skili góðum árangri.

Samþykkt samhljóða með handauppréttingu.

Fræðslustjóri og skólastjóri Tjarnarskógar kynntu undirbúning fyrir tímabundna viðbótardeild við leikskólann Tjarnarskóg, sem verður starfrækt næsta vetur vegna þeirrar ánægjulegu staðreyndar að óvenjulega mörg börn verða á leikskólum næsta vetur. Á þeirri deild verða yngstu börn leikskólans.

Fræðslunefnd fagnar því að lausn hafi fundist svo hægt sé að bjóða eins mörgum og raun ber vitni leikskólavist í haust.

Samþykkt samhljóða með handauppréttingu.

Fræðslunefnd leggur til að unnið verði áfram með fyrirliggjandi tillögu að viðbyggingu við leikskólann Hádegishöfða og leggur áherslu á að tillagan verði kynnt fyrir starfsfólki og foreldrum.

Nefndin óskar eftir að skoðuð verði hugsanleg áhrif frá spennistöðinni sem er við leikskólalóðina og fengnar upplýsingar um kostnað við að færa stöðina.

Samþykkt samhljóða með handauppréttingu.

Lagt fram til kynningar.