Ósk um breyting á deiliskipulag, Ylströnd við Urriðavatn

Málsnúmer 201710005

Umhverfis- og framkvæmdanefnd - 78. fundur - 11.10.2017

Lagt er fram erindi frá Eflu ehf., Kömmu Gísladóttur fyrir hönd Ylstrandar ehf.

Sótt er um óverulega breytingu á deiliskipulagi þar sem bílastæði eru færð nær þjóðvegi og þeim fjölgað.

Umhverfis- og framkvæmdanefnd samþykkir erindið.
og felur skipulags- og byggingarfulltrúa að afgreiða málið samkvæmt 2. mgr. 43. gr. Skipulagslaga nr. 123/2010.

Samþykkt samhljóða með handauppréttingu.

Umhverfis- og framkvæmdanefnd - 82. fundur - 04.01.2018

Fyrir liggur niðurstaða grenndarkynningar vegna óverulegrar breytingar á deiliskipulagi Ylstrandar.

Athugsemd barst frá Vegagerðinni, vegna vegtengingar.

Minjastofnun vekur athygli á að ekki hafi verið hægt að skoða umrætt svæði vegna snjóa.

Umhverfis- og framkvæmdanefnd leggur til við bæjarstjórn að tillagan verði samþykkt þegar tekið hefur verið tillit til athugasemda Vegagerðarinnar og syðri vegtengingin verið felld út.

Umhverfis- og framkvæmdanefnd vekur athygli á að ekki er heimilt að hefja framkvæmdir fyrr en umsögn Minjastofnunar liggur fyrir.

Samþykkt samhljóða með handauppréttingu.

Umhverfis- og framkvæmdanefnd - 89. fundur - 11.04.2018

Fyrir nefndinni liggur ósk um breytingu á deiliskipulagi, Ylströnd við Urriðavatn, tillagan var áður á dagskrá á 82. fundar Umhverfis- og framkvæmdanefndar þann 4.1.2018.

Nefndin hefur óskað eftir umsögn Vegagerðarinnar á breytingunni og þar sem staðfesting Minjastofnunar um fornleifaskráningu liggur ekki fyrir er afgreiðslu frestað til næsta fundar.

Umhverfis- og framkvæmdanefnd - 90. fundur - 25.04.2018

Fyrir nefndinni liggur ósk um breytingu á deiliskipulagi, Ylströnd við Urriðavatn, fyrir liggur jákvæð umsögn Vegagerðarinnar á deiliskipulagstillögunni.

Umhverfis- og framkvæmdanefnd leggur til við Bæjarstjórn að tillagan verði samþykkt.

Byggingarleyfi verður gefið út að lokinni minjaskráningu.

Samþykkt samhljóða með handauppréttingu.