Frumvarp til laga um Lífeyrissjóð starfsmanna ríkisins

Neðangreind umsögn var send út og samþykkt af fulltrúum í bæjarráði fyrir helgina vegna þess hve stuttur tími var gefinn til að skila umsögn um málið:

Bæjarráð Fljótsdalshéraðs mælir eindregið með að frumvarp til laga um Lífeyrissjóð starfsmanna ríkisins (breyting á A-deild sjóðsins) verði samþykkt. Þar sem umsagnartími um frumvarpið var aðeins rúmur sólarhringur, hefur þó ekki gefist færi á að fara gaumgæfilega yfir það. Engu að síður er bæjarráð sammála meginefni frumvarpsins, eins og það liggur hér fyrir, en vísar að öðru leyti til umsagnar Sambands sveitarfélaga um það.