Húsnæði fyrir grasrótar- og félagasamtök

Lagt fram erindi frá Ástu Hafberg, fyrir hönd Öldu - félags um sjálfbærni og lýðræði, þar sem sveitarfélög og önnur stjórnvöld eru hvött til að útvega grasrótarfélögum húsnæði og aðstöðu.

Í ljósi erindisins vekur bæjarráð athygli á því að á vegum sveitarfélagsins er rekið húsnæði sem m.a. er ætlað grasrótar- og félagasamtökum til afnota. Um er að ræða nokkur félagsheimili í dreifbýli og þéttbýli, aðstöðu fyrir ungt fólk í þéttbýlinu, aðstöðu fyrir fatlaða einstaklinga og aðstöðu fyrir aldraða, auk fjögurra íþróttasala og Sláturhússins menningarmiðstöðvar.

Lagt fram erindi frá Ástu Hafberg, fyrir hönd Öldu - félags um sjálfbærni og lýðræði, þar sem sveitarfélög og önnur stjórnvöld eru hvött til að útvega grasrótarfélögum húsnæði og aðstöðu.

Eftirfarandi tillaga lögð fram:
Bæjarstjórn Fljótsdalshéraðs tekur undir með bæjarráði og vekur athygli á því að á vegum sveitarfélagsins er rekið húsnæði sem m.a. er ætlað grasrótar- og félagasamtökum til afnota. Um er að ræða nokkur félagsheimili í dreifbýli og þéttbýli, aðstöðu fyrir ungt fólk í þéttbýlinu, aðstöðu fyrir fatlaða einstaklinga og aðstöðu fyrir aldraða, auk fjögurra íþróttasala og Sláturhússins menningarmiðstöðvar.

Samþykkt samhljóða með handauppréttingu.