Atvinnu- og menningarnefnd - 75

Málsnúmer 1810002F

Bæjarstjórn Fljótsdalshéraðs - 283. fundur - 17.10.2018

Til máls tók: Guðfinna Harpa Árnadótir, sem kynnti fundargerðina og lagði fram drög að bókunum.

Fundargerðin lögð fram.
  • .1 201809013 Starfsáætlun atvinnu- og menningarnefndar 2019
    Bókun fundar Í vinnslu.
  • .2 201809090 Ormsteiti 2018
    Bókun fundar Fyrir atvinnu- og menningarnefnd lágu drög að auglýsingu þar sem leitað er eftir aðila til að taka að sér framkvæmd og rekstur Ormsteitis.

    Eftirfarandi tillaga lögð fram:
    Að tillögu atvinnu- og menningarnefndar samþykkir bæjarstjórn fyrirliggjandi auglýsingu og felur starfsmanni að birta hana við fyrsta tækifæri.

    Samþykkt samhljóða með handauppréttingu.
  • .3 201801002 Reglur er varða menningarmál
    Bókun fundar Í vinnslu.
  • .4 201810014 Listaverk Sölva Aðalbjarnasonar
    Bókun fundar Fyrir atvinnu- og menningarnefnd lá bréf, dagsett 28. september 2018, frá Eðvaldi Jóhannssyni og Ásdísi Jóhannsdóttur, fyrir hönd áhugamanna, þar sem sveitarfélagið er hvatt til þess að taka upp viðræður við Sölva Aðalbjarnarson um hvar megi koma útilistaverkum hans fyrir þannig að þau geti glatt íbúa og aðkomufólk. Málinu var vísað til atvinnu- og menningarnefndar frá bæjarráði.

    Eftirfarandi tillaga lögð fram:
    Bæjarstjórn tekur undir með atvinnu- og menningarnefnd tekur jákvætt í erindið og felur starfsmanni nefndarinnar að vinna málið áfram í samstarfi við Sölva.

    Samþykkt samhljóða með handauppréttingu.
  • .5 201804062 Örnefnaskráning
    Bókun fundar Fyrir liggja drög að samstarfssamningi um söfnun og skráningu örnefna, milli Landmælinga Íslands og Fljótsdalshéraðs.

    Eftirfarandi tillaga lögð fram:
    Að tillögu atvinnu- og menningarnefndar samþykkir bæjarstjórn fyrirliggjandi samstarfssamning fyrir sitt leyti og fagnar verkefninu.

    Samþykkt samhljóða með handauppréttingu.