Yfirlit frétta

Svæðistónleikar Nótunnar, uppskeruhátiðar tónlistarskólanna, fyrir Norður- og Austurland verða haldnir í Egilsstaðakirkju laugardaginn 18. mars.

Í morgun, 8. mars, var samstarfssamningur á milli Fljótsdalshéraðs og Embættis landlæknis um þróunarverkefnið Heilsueflandi samfélag undirritaður á skrifstofu sveitarfélagsins.

Á fundi bæjarráðs Fljótsdalshéraðs 6. mars voru ræddar nýjustu upplýsingar um fjárveitingar í tengslum við samgönguáætlun 2015-2018, sem samþykkt var á nýliðnu hausti.

Sameiginlegur fundur ungmennaráðs og bæjarstjórnar Fljótsdalshéraðs fór fram 1. mars síðast liðinn. Fundir sem þessir eru haldnir einu sinni til tvisvar á ári.

Þjónustuhúsið á Vatnsskarði, sem Fljótsdalshérað og Borgarfjarðarhreppur standa að, hefur verið tilnefnt til Menningarverðlauna DV 2016 í flokknum arkitektúr. Hönnuður hússins er Eirik Rönning Andersen frá Zero Impact Strategies.

Helgina 4. og 5. mars verður haldið Upptöku- og útvarpsnámskeið á vegum KrakkaRÚV í Sláturhúsinu, menningarsetri á Egilsstöðum. Námskeiðinu stjórnar Sigyn Blöndal.

Öskudagurinn er í dag. Eins og alltaf mætir fjöldi barna á skrifstofu sveitarfélagsins og syngur fyrir starfsfólkið sem eins og börnin klæðir sig upp í tilefni dagsins. Þegar tækifæri gefst er líka spilað undir söng barnanna.

252. fundur Bæjarstjórnar Fljótdalshéraðs verður haldinn í fundarsal bæjarstjórnar 1. mars 2017 og hefst kl. 17:00. Hægt er að fylgjast með fundinum í beinni útsendingu á netinu með því að fara inn á vefsvæði sem heitir Bæjarstjórn í beinni. Þar er einnig hægt að skoða upptökur af síðustu fundum.

Auglýst er eftir framkvæmdastjóra Ormsteitis – Héraðshátíð, sem fram fer á Fljótsdalshéraði dagana 9. - 13. ágúst. Hlutverk framkvæmdastjóra er m.a. að skipuleggja og stýra hátíðinni í samvinnu við stjórn og aðra aðila og vinna að fjármögnun hennar. Í ár verða 70 ár frá því Egilsstaðakauptún var formlega stofnað og er fyrirhugað að sá viðburður muni setja mark sitt á hátíðina að þessu sinni.

UN Women á Íslandi býður til dansbyltingarinnar Milljarður rís í Sláturhúsinu á Egilsstöðum þann 17. febrúar klukkan 12:00 til 13:00.