Yfirlit frétta

Alþjóðlegi rathlaupadagurinn verður haldinn um allan heim miðvikudaginn 24. maí 2017, en markmið dagsins er að hvetja til hreyfingar úti í náttúrunni á skemmtilegan hátt og kynna rathlaupaíþróttina.

Fulltrúar frá SAFT, vakningarátaki um örugga og jákvæða tölvu- og nýmiðlanotkun barna og unglinga, bjóða foreldrum barna á miðstigi grunnskóla upp á fræðsluerindi í Egilsstaðaskóla klukkan 17:30, miðvikudaginn 24. maí.

Fljótsdalshérað og Hitaveita Egilsstaða og Fella hafa samið við Austurbrú um að Austurbrú taki að sér gerð innviðagreiningar fyrir Fljótsdalshérað.

Undanfarnar vikur og mánuði hafa staðið yfir framkvæmdir við Tjarnarbrautina á vegum Hitaveitunnar og Fljótsdalshéraðs. Framkvæmdirnar standa nú sem hæst þar sem til stendur að skipta út efsta jarðvegslaginu í Tjarnarbrautinni.

Ný rafhleðslustöð var sett upp við íþróttamiðstöðina á Egilsstöðum þann 16. maí. Hleðslustöðin sem um ræðir er gjöf Orkusölunnar til Fljótsdalshéraðs og er ætluð til hleðslu á rafmagnsfarartækjum.

Nú styttist óðum í Hreyfiviku UMFÍ, Move Week, en hún verður haldin um allt land dagana 29. maí – 4. júní 2017. Á Fljótsdalshéraði tökum við að sjálfsögðu þátt eins og síðustu ár.

Lagt var fram í bæjarráði Fljótsdalshéraðs 15. maí bréf frá kvenfélaginu Bláklukkum dagsett 4. maí 2017, þar sem sveitarfélagið og íbúar þess eru hvattir til átaks í að fegra og bæta umhverfið. Bent er á að í sumar er 70 ára afmæli þéttbýlisins á Egilsstöðum og íbúar, fyrirtæki og sveitarfélagið því hvött til að leggja sérstaka áherslu á góða umgengni og fegrun umhverfisins.

Málþing um stefnu og framtíðarsýn varðandi heilabilun og þróun náms í heilabilunarráðgjöf verður haldin í Hlymsdölum á Egilsstöðum föstudainn 19. maí frá klukkan 13 til 17.

Úrvinnslu umsókna í ofangreint starf er lokið og hefur verið ákveðið að ráða Júlíu Sæmundsdóttur í starfið.

Vorhreingerningin í Íþróttamiðstöðinni verður 17. til 19. maí. Opnað aftur tandurhreint og fínt með ýmsum nýungum laugardaginn 20. maí klukkan 10.