Yfirlit frétta

Á miðvikudaginn kemur, þann 14. júní klukkan 15:00, verður formlega tekin í notkun lyfta sem mun stórbæta aðgengi fatlaðra að sundlaug, vaðlaug og heitum potti við Íþróttamiðstöðina á Egilsstöðum

Bókasafn Héraðsbúa býður nú lánþegum sínum aðgang að Rafbókasafninu. Þar er hægt að nálgast raf- og hljóðbækur á erlendum tungumálum.

258. fundur bæjarstjórnar Fljótdalshéraðs verður haldinn í fundarsal bæjarstjórnar miðvikudaginn 7. júní 2017 og hefst hann kl. 17:00. Hægt er að fylgjast með fundinum í beinni útsendingu á netinu með því að fara inn á vefsvæði sem heitir Bæjarstjórn í beinni. Þar er einnig hægt að skoða upptökur af síðustu fundum.

Nemendur í 8.-10. bekkjum allra grunnskóla á Héraði tóku þátt í vel heppnuðum forvarnadegi sem haldinn var á Fljótsdalshéraði á föstudaginn var.

Breytingar verða á réttindaöflun sjóðfélaga í A deild Brúar lífeyrissjóðs frá og með 1. júní 2017. Breytingarnar hafa mismunandi áhrif á sjóðfélaga og eru þær gerðar vegna breytinga á lögum um Lífeyrissjóð starfsmanna ríkisins. Hefur sú lagabreyting áhrif á A deild Brúar lífeyrissjóðs.

Félag skógarbænda á Austurlandi og Fljótsdalshéra efna til samkeppni um listaverk úr trjáviði sem frumsýnd verða á Skógardeginum mikla. Þá verður haldin vinnustofa "Stefnumót við skógarsamfélag" í Vallanesi í júníbyrjun.

Hreyfivika UMFÍ hefst á mánudag, 29. maí, og stendur til 4. júní. Það eru Fljótsdalshérað, Íþróttafélagið Höttur og UÍA sem standa saman að Hreyfiviku líkt og undanfarin ár.

Gunnlaugur Rúnar Sigurðsson hefur verið ráðinn í starf skipulags- og byggingarfulltrúa hjá Fljótsdalshéraði.

Upplýsingar um tómstunda- og íþróttastarf og námskeið ýmis konar sem haldin verða í sumar fyrir börn og unglinga, eru nú aðgengilegar á heimasíðu Fljótsdalshéraðs.

Erla Dögg Grétarsdóttir hefur verið ráðin sem framkvæmdastjóri Ormsteitis – Héraðshátíðar og hefur hún þegar hafið störf við undirbúning teitisins. Aðalhátíðarhöld Ormsteitisins fara fram dagana 9. – 13. ágúst.