Yfirlit frétta

Ljósaganga UN Women fór fram laugardaginn 25. nóvember klukkan 13 á alþjóðlegum baráttudegi Sameinuðu þjóðanna gegn kynbundnu ofbeldi. Dagurinn markar upphaf 16 daga átaks gegn kynbundnu ofbeldi sem UN Women á Íslandi ásamt öðrum félagasamtökum hér á landi eru í forsvari fyrir. Soroptimistaklúbbur Austurlands stendur fyrir ljósagöngu á Egilsstöðum. Fyrirhugað var að ganga þann 25. nóvember en vegna veðurs var því frestað um viku eða til laugardagsins 2. desember.

Á sunnudaginn, þann 26. nóvember, stendur Barnaheill fyrir áskorun um símalausan sunnudag. Þennan dag er skorað á alla að skilja símann við sig og er áskoruninni ætlað að vekja athygli á áhrifum símanotkunar á samskipti fjölskyldunnar. Verður símum stungið ofan í skúffur klukkan níu á sunnudagsmorgni og hann ekki tekinn upp aftur fyrr en í fyrsta lagi klukkan níu um kvöldið.

Bæjarstjóri Fljótsdalshéraðs hefur sent frá sér yfirlýsingu vegna aflífunar kattar og umfjöllunar á samfélagsmiðlum vegna þess.

Atvinnu- og menningarnefnd Fljótsdalshéraðs auglýsir til umsóknar styrki til menningarstarfs með umsóknarfresti til og með 15. desember 2017. Annars vegar er um að ræða verkefnastyrki og hins vegar styrki til almennrar liststarfsemi.

Bæjarstjórn Fljótsdalshéraðs hefur samþykkt Umferðaröryggisáætlun fyrir Fljótsdalshérað en umhverfis- og framkvæmdanefnd Fljótsdalshéraðs samþykkti í nóvember 2016 að unnin skyldi slík áætlun fyrir sveitarfélagið.

265. fundur bæjarstjórnar Fljótdalshéraðs verður haldinn í fundarsal bæjarstjórnar miðvikudaginn 15. nóvember 2017 og hefst hann kl. 17:00. Hægt er að fylgjast með fundinum í beinni útsendingu á netinu með því að fara inn á vefsvæði sem heitir Bæjarstjórn í beinni. Þar er einnig hægt að skoða upptökur af síðustu fundum.

Í mars 2017 skrifuðu þrjú sveitarfélög á Austurlandi; Fljótsdalshérað, Fjarðabyggð og Seyðisfjarðarkaupstaður, undir samstarfssamning við Embætti landlæknis um að gerast Heilsueflandi samfélög. Heilsueflandi samfélag er samfélag sem leggur áherslu á að heilsa og líðan allra íbúa sé höfð í fyrirrúmi í allri stefnumótun og ákvarðanatöku.

Bæjarstjórn Fljótsdalshéraðs boðar til borgarafundar um fjárhagsáætlun sveitarfélagsins fyrir árið 2018 og þriggja ára áætlun áranna 2019 – 2021. Fundurinn verður haldinn í fyrirlestrasal Egilsstaðaskóla fimmtudaginn 9. nóvember klukkan 17:30.

Bæjarstjórn Fljótsdalshéraðs lýsir yfir vonbrigðum með að virt ríkisstofnun eins og Vegagerðin skuli ekki vanda betur til verka þegar að unnið er að jafn veigamiklu verkefni eins og uppbyggingu þjóðvegar í botni Skriðdals og heilsársvegar um Öxi

Málþingið Í fótspor Jóns lærða á Úthéraði verður haldið í Félagsheimilinu Hjaltalundi föstudaginn 3. nóvember kl. 14.00. Á málþinginu verður lögð áhersla á þrjá meginþætti. Í fyrsta lagi náttúru svæðisins, í öðru lagi menningu þess og sögu og í þriðja lagi uppbyggingu ferðaþjónustu og jafnvel annarrar atvinnustarfsemi sem byggist á menningu og náttúru svæðisins