Söguganga um Egilsstaðabæ

Gengið var í Taglarétt síðusta miðvikudag en núna, miðvikudaginn 13. september, verður söguganga um Egilsstaðabæ.

Vel tókst til þegar gengið var í Taglarétt síðasta miðvikudag, 6. september, en gangan sú var hluti af Lýðheilsugöngum Ferðafélags Íslands í september. Var mjög vel mætt og göngufólk á öllum aldri.

Á morgun, miðvikudaginn 13. september, verður önnur gangan af fjórum farin. Í þetta sinn er um að ræða sögugöngu um Egilsstaðabæ. Verður gangan með leiðsögn og er tilgangur hennar að kynnast nærumhverfinu og fræðast um bæinn okkar. Gangan er létt og því tilvalin fyrir bæði unga sem aldna.

Hægt er að skrá sig í gönguna á heimasíðu Ferðafélags Íslands [http://lydheilsa.fi.is/#skraning] og er mæting í göngurnar klukkan 18 við skrifstofu Ferðafélags Fljótsdalshéraðs, að Tjarnarási 8.