Grunnnámskeið í ritun kvikmyndahandrita

Fyrirhugað er að halda grunnnámskeið í ritun kvikmyndahandrita á vegum Menningarmiðstöðvar Fljótsdalshéraðs. Námskeiðið mun eiga sér stað á mánudögum frá 17:00-19:00 í Sláturhúsinu og standa yfir í 5 vikur. Það hefst mánudaginn 15. maí.

Kynning verður á „industry standard“ handritaforritum, heilsað uppá Aristoteles og Tarantino, unnið í persónusköpun og „plott-punktum“.

Skráningu á námskeiðið lýkur 10. maí (mmf@egilsstadir.is)

Leiðbeinandi er Kristín A. Atladóttir, forstöðumaður Menningarmiðstöðvar Fljótsdalshéraðs. Kristín er höfundur tveggja handrita sem orðið hafa að kvikmynda/sjónvarpsmyndum auk nokkurra heimildamyndahandrita. Kristín nam leikhúsfræði til BA gráðu og kvikmynda- og leikhúsfræði í framhaldsnámi og hefur starfað sem kvikmyndagerðarkona og framleiðandi í tvo áratugi. Hún kennir kvikmyndaframleiðslu við Kvikmyndaskóla Íslands og Tækniskóla Íslands.